Девојката на Ал Пачино (84), Нур Алфала (30) во вторникот за прв пат јавно го покажа лицето на нивниот син Роман, 14 месеци откако го роди.

Нур, која претходно се забавуваше со 81-годишниот фронтмен на „Ролинг стоунс“, Мик Џегер, го држела своето преслатко машко бебе, кое неверојатно наликува на Ал Пачино. Нур била лежерно облечена на прошетката со својот син и изгледала како да не ѝ е грижа што папараците ја следат. Пачино не бил виден на ова семејно излегување.

Кога „ТМЗ“ ја праша убавицата во ноември минатата година дали планира да се омажи за Ал Пачино, таа одговори: „Мислам дека не. Јас не сум тип за мажење“.

Минатата година тој стана татко во деветтата деценија, а поради врската со 53 години помладата Нур Алфалах се најде во центарот на медиумското внимание и бројните теории на заговор. Најпрво се шпекулираше дека Ал Пачино всушност не е татко на детето и дека побарал ДНК анализа за да се утврди вистината. После тоа, нивната љубов наводно пропаднала, но и покрај овие наводи, тие биле видени како заедно шетаат рака под рака.