Британскиот актер Арон Тејлор-Џонсон ќе го толкува новиот Џејмс Бонд.

Познат по „Kick-Ass“ и „Avengers: Age Of Ultron“, 33-годишниот актер претходно изјави дека гласините што го поврзуваат со Џејмс Бонд се „шармантни и прекрасни“.

Според извештаите, Арон Тејлор-Џонсон треба да биде следниот Џејмс Бонд, пренесува „Скај њус“.

Актерот очигледно допрва треба официјално да ја прифати култната улога, но извор за британскиот весник „Сан“ рекол: „Бонд е работа на Арон, ако сака тоа да го прифати“.

Извор за „Сан“ изјави дека што се однесува до продукцијата, Арон ќе го потпише договорот во наредните денови и тие можат да почнат да се подготвуваат за големата најава.

Тејлор-Џонсон е неверојатно талентиран актер. Го нарекоа „совршена личност за улогата на Бонд и добро ќе продолжи од местото каде што застана Даниел Крег“.

Тејлор-Џонсон минатата недела беше прашан од страна на магазинот „Нумеро“ за гласините што го поврзуваат со улогата. Одговарајќи тој рекол: „Сметам дека е шармантно и прекрасно што луѓето ме гледаат во таа улога. Тоа го сфаќам како голем комплимент“.

Инаку, една од улогите по која е познат Тејлор-Џонсон е улогата на Џон Ленон во филмот „Nowhere Boy“. На снимањето на тој филм ја запознал и сопругата Саманта (56), која е 23 години постара од него. Наводно, тогаш имал само 18 години, а Арон ја запросил само една година подоцна.

Следниот филм за Бонд беше одложен поради минатогодишните штрајкови во Холивуд.

Познат е главниот фаворит за улогата на Џејмс Бонд: Еден од најзгодните мажи во светот