ФОТО | Нина Сеничар е бремена: Убавата Србинка и холивудскиот актер Џеј Елис ќе станат родители по вторпат
Српската актерка и манекенка Нина Сеничар (38) и американскиот актер Џеј Елис (42) ќе станат родители по вторпат. Двојката веќе ја има четиригодишната ќерка Нора Грејс, која најмногу му се радува на новиот член на семејството.
Сеничар ја сподели среќната вест на својот инстаграм-профил, објавувајќи свои фотографии на кои е во кафеав комбинезон и ѝ се гледа трудничкиот стомак.
„И токму така… бебето бр. 2 пристигнува“, напиша актерката во описот на објавата.
Да потсетиме, Сеничар и Елис се свршија на почетокот од 2019 година, за време на нивниот одмор на Бали, а решија да се венчаат во романтичната Италија.
Сеничар блесна во венчаница на модната куќа „Долче и Габана“, направена специјално за неа, а Елис избра елегантен бордо костум.