Сопругата на Бруклин Бекам, Никола Пелц Бекам, објави провокативни фотографии во топлес издание непосредно пред 27. роденден на Бруклин и во време на семејниот конфликт со Бекамови кој веќе со месеци е во медиумите.

На една од фотографиите Никола носи само бели хулахопки и сандали со висока потпетица, а со рацете ги покрива градите. На друга е во наметка со природен изглед и дискретна шминка, со коса во лабави бранови.

Се наведува дека фотографиите се од снимањето на нејзиниот нов филм „Prima“, за кој се подготвувала со интензивни балетски тренинзи и строга диета, па телесната тежина ѝ паднала под 45 килограми. Во филмот, таа игра балерина чиј свет се менува под влијание на модерните промени, а во актерската екипа се и Феј Данавеј, Џек Хастон, Бети Габриел и Мира Сорвино.

Фотографиите се објавени во време на конфликтот во семејството Бекам, откако Бруклин престанал да следи одредени членови на семејството на социјалните мрежи, по коментарите на славниот готвач Гордон Рамзи за неговата ситуација. Иако семејството сака помирување, Бруклин во јануари објавил шест страници со сериозни обвиненија против родителите, особено против мајка му Викторија, за која тврди дека го уништила неговиот прв танц со Николa на венчавката.