Професионалната домаќинка изгледа го знае рецептот за добриот изглед… Таа е божица меѓу домаќинките и во својата бранша е неприкосновена веќе четири децении.

Иако има 79 години, Марта Стјуарт изгледа многу помладо. Во тоа можевме да се увериме откако таа сподели слика на својот профил на социјалната мрежа Инстаграм на која ја рекламира својата линија за облека.

На споменатата фотографија Марта е во џемпер од својата нова колекција, додека јасно се гледа дека нејзиното лице е свежо и младолико.

Коментарите на нејзините обожаватели беа исполнети со пофалби и ласкања на нејзиниот изглед.

Ова не е првпат Марта да ги воодушеви обожавателите со своја фотографија. Имено, ова лето таа сподели селфи фотографија од својот базен и воодушеви со својот младешки изглед.

Бидејќи не го сподели рецептот за својот совршен изглед, можеме слободно да кажеме дека тајната е во добрата исхрана и во почитување на самите себе си, што Марта го докажа неколку пати досега.

Ова се неколку фотографии од почетоците на оваа професионална домаќинка, која преку своите совети, објави, видеа, емисии, интернет страницата, списанијата и книгите им го олесни животот на многу домаќинки во светот…