ФОТО | На ист натпревар во Британија: Ќерката станала мис, а мајката прва придружничка
Ејми Мејсак (29) од Шкотска победи 37 натпреварувачки и ја освои титулата Мис на изборот во Лестер на крајот на октомври. На истиот настан, нејзината мајка Лори (60) заврши како прва придружничка во натпреварот под назив „Г-ѓа Велика Британија класик“ (Ms Great Britain Classic).
Препорачано
View this post on Instagram
Лори, мајка на четири деца, изјави за емисијата „Добро утро Шкотска“ на „Би-би-си“ дека конкуренцијата ѝ ја вратила самодовербата и дека „ужива во животот“. Но, таа призна дека се двоумела да се пријави поради нејзината возраст.
– На мои години често се појавува сомнежот „треба или не треба?“, но знаете што? Обожавам да бидам во овие години – изјави таа.
– Мислам дека откако некој ќе има четири деца или колку деца да имате, малку ја губите самодовербата, а овој натпревар дефинитивно ми ја врати – објасни таа.
View this post on Instagram
Нејзината ќерка Ејми, инвеститор во недвижности, изјавила дека со години учествувала на избори за убавина и дека нејзината мајка секогаш ѝ давала голема поддршка.
– Мајка ми секогаш доаѓаше со мене на изборите и секогаш навиваше за мене – рекла таа.
– Ги познаваше сите мајки на другите девојки кои исто така учествуваа на натпреварот и го сакаше сјајот и гламурот на изборот. Ѝ реков дека треба да се пријави на натпревар за убавина и, ако добро се сеќавам, мислам дека ми одговори: ‘Па, ако го направиш тоа, ќе го направам и јас’ – рекла мисицата.
View this post on Instagram
И Ејми и Лори веруваат дека изгледот не е единственото нешто што е важно на изборите. Тие рекле дека тоа е средина каде жените меѓусебно се поддржуваат. А Ејми додала дека изборите позитивно се одразиле на неа и ѝ овозможиле да запознае некои од своите најблиски пријатели.
Ејми рекла дека изминатите 12 месеци биле „вистински предизвик“ за нејзиното семејство. На почетокот на оваа година ѝ била дијагностицирана автоимуната болест лупус, а нејзиниот дедо со кој била многу блиска починал.
View this post on Instagram
Ејми споделила дека натпреварот вклучува различни категории и дека верува дека се издвојува од толпата затоа што дизајнирала работилница за зајакнување на жените наречена „Limitless“. Со неа таа сака да ги поддржи жените давајќи им ги алатките и вештините што им се потребни за да ги надминат различните животни предизвици.
По нивниот успех на изборот за убавина, Ејми и Лори не се сигурни дали повторно ќе се натпреваруваат, но и двете велат „никогаш не вели никогаш“.
