Нашата пејачка Тамара Тодевска со еден убав гест покажа колку ги негува пријателствата со своите најблиски. Имено, Тамара објави на социјалните мрежи дека отпатувала во Шпанија со долгогодишниот пријател Зоран Ристевски, познат како диџеј Зоки Бејбе.

Неодамна Зоки го прослави својот роденден, а по тој повод двајцата другари заминаа на роденденско патување во сончевата Барселона.

Двајцата споделија низа фотографии на кои покажаа како уживаат во сонцето, културните знаменитости на оваа позната туристичка дестинација, но и дружбата со неколкумина нивни заеднички пријатели.

„Роденденско патување со најдобрата другарка“, напиша Зоки на една од објавите.

Судејќи по нивните насмевки, овој роденден на Зоки долго ќе го паметат.