Потврдени се сите шешири од кои ќе бидат извлечени квалификациските групи за следното Светско првенство во Катар 2022. Ждребот ќе се одржи во Цирих (Швајцарија) на 7 декември 2020 година со почеток од 18.00 часот.

Македонија е во четвртиот шешир со 1370 поени и нејзини ривали во квалификациската група за пласман на Мундијалот не може да бидат Босна и Херцеговина, Словенија, Црна Гора, Албанија, Бугарија, Израел, Белорусија, Грузија и Луксембург.

Нашите најдобри фудбалери со поразот во Никозија од Ерменија останаа во Лигата „Ц“ од УЕФА Лигата на нации, но затоа со победата во Тбилиси над Грузија успеаја да се пласираат на Европското првенство кое ќе се одржи наредната година.

Прв шешир: Белгија, Франција, Англија, Португалија, Шпанија, Италија, Хрватска, Данска, Германија, Холандија.

Втор шешир: Швајцарија, Велс, Полска, Шведска, Австрија, Украина, Србија, Турција, Словачка, Романија.

Трет шешир: Русија, Унгарија, Ирска, Чешка, Норвешка, Северна Ирска, Исланд, Шкотска, Грција, Финска.

Четврти шешир: Босна и Херцеговина, Словенија, Црна Гора, Македонија, Албанија, Бугарија, Израел, Белорусија, Грузија, Луксембург.

Петти шешир: Ерменија, Кипар, Фарски Острови, Азербејџан, Естонија, Казахстан, Косово, Литванија, Летонија, Андора.

Шести шешир: Малта, Молдавија, Лихтенштајн, Гибралтар, Сан Марино.