ФОТО : Лидија Кочовска со прекрасна фотографија и го честиташе роденденот на нејзината мајка Невенка од Мањифико
На својот инстаграм – профил македонската пејачка, Лидија Кочовска сподели прекрасна фотографија по повод 80-тиот роденден на нејзината мајка Невенка Кочовска – Мањифико.
Родителите на Лидија и Тања Кочовски, Невенка и Пантелеј Кочовски – Панче се дел од вокално – инструменталниот ансамбл „Мањифико“ кој бил активен на сцената повеќе од 30 години.
На фотографијата госпоѓа Невенка е фотографирана со многу цвеќе, а на еден од цветните аранжмани со црвени рози се испишани нејзините години.
Лидија под фотографијата напиша:
„Биди ми жива, здрава, најсреќна и секогаш вака, греј ми ја душата, од срце насмеана… се радувам на секој нов ден поминат со тебе…Среќа си ми најголема“
Во текот на нивното 31-годишното постоење, „Мањифико“ настапиле во 37 земји, остварувајќи 3.700 концерти, а покрај тоа учествувале и на 600 добротворни настапи.
Покрај Панче и Невена дел од ансамблот биле Крсто Таушанов и Димитар Томов – Митко. Се проценува дека концертните настапи на групата ги посетиле преку седум милиони посетители.