Само неколку часа по веста дека американскиот претседател Доналд Трамп ја смени државната обвинителка Пем Бонди, нејзиниот врамeн портрет беше отстранет од почесното место во Министерството за правда. Наскоро почнаа да кружат фотографии кои прикажуваат како портретот е симнат од ѕидот покрај сликите на претседателот и потпретседателот, а една фотографија до која дошол МС НАУ прикажува како е фрлен во корпа за отпадоци.

Фотографијата почна да се шири на социјалните мрежи и во одредени медиуми, но нивната автентичност и контекст засега не можат независно да се потврдат од други релевантни извори. Левичарскиот портал МС НАУ, кој ја пренесе оваа приказна, претставува ребрендирана верзија на поранешниот американски телевизиски и информативен канал Ем-ес-ен-би-си.

Омразена меѓу вработените

Имено, сегашни и поранешни функционери на Министерството за правда велат дека овој чин ја одразува колку Бонди била непопуларна меѓу кариерните службеници и агенти, пишува МС НАУ. Илјадници од нив го напуштиле министерството за да не мора да ги следат нејзините наредби, додека на десетици други им бил врачен отказ.

Former Attorney General Pam Bondi’s portrait was removed from the Justice Department within hours of her firing by Trump.

Source: MS NOW pic.twitter.com/DwdodW3A2a

— Clash Report (@clashreport) April 3, 2026

Многумина од тие функционери и натаму се огорчени поради настаните од почетокот на нејзиниот мандат. Бонди тогаш влегла во заштитено подрачје на одделот за национална безбедност и видела дека на ѕидот сè уште висат портретите на претседателот Џо Бајден и поранешниот државен обвинител Мерик Герланд. Поради тоа што сликите не биле отстранети по инаугурацијата на Трамп, таа деградирала ценет кариерен ветеран.

Сама ги симнувала сликите од ѕидот

Во подоцнежни интервјуа, Бонди самата раскажувала како лично ги симнала фотографиите, наведувајќи го тој инцидент како доказ дека кариерните вработени во министерството биле поодани на демократите отколку на републиканците.

„Отидов на седми кат, во одделот за национална безбедност. Целиот кат е заштитен простор во кој никој не може да влезе“, изјавила Бонди за Фокс њуз. „Успеав да добијам шифра, ја отворив вратата и на ѕидот видов дека сè уште висат сликите на претседателот Бајден, Камала Харис и Мерик Гарланд.“

„Лично ги симнав сите три слики“, додала таа. „Ги ставив пред некого кој ми рече: ‘Ох, одржувањето тука е навистина бавно.’ Му реков: ‘Па, мене ми требаа околу 30 секунди да ги симнам од ѕидот.’“

Цената ја платил ценет ветеран

Она што Бонди не го спомнала јавно е името на ценетиот ветеран кој го деградирала поради инцидентот: Девин ДеБакер. Тој бил вршител на должност шеф на одделот за национална безбедност.

„Подобро им е да ја симнат нејзината слика“, изјавил за МС НАУ еден поранешен функционер на одделот за национална безбедност, еден од оние кои и натаму се огорчени поради смената на ДеБакер.

Речиси сите високи кариерни функционери од Министерството за правда за време на Бајден служеле лојално и способно и во текот на првиот мандат на Трамп без инциденти. Сега вратата ѝ е покажана на Бонди, а многу ветерани од министерството тоа тивко го слават. Бонди не била достапна за коментар.

Трамп ја разреши Пем Бонди оти бавно ги гонела неговите противници, а и поради Епстин