Актерката Џенифер Греј, која се здоби со светска слава по улогата на Бејби во култниот филм „Валкан танц“, сподели фотографии од одморот на кои позира во костим за капење и ги воодушеви своите следбеници.

Во друштво на долгогодишната пријателка, 65-годишната актерка ја покажа својата завидна фигура во црно бикини и елегантен едноделен костим за капење на плажа.

„Долгоочекуваното женско патување со Трејси Полан, се кикотевме како повторно да сме во средно училиште“, напиша ѕвездата во описот, а нејзината објава ја лајкна и Џејми Ли Кертис.

Пријателството со Трејси Полан, сопругата на Мајкл Џ. Фокс, датира од нивните тинејџерски денови кога заедно оделе во училиштето Далтон во Њујорк.

Инаку, обожавателите велат дека Џенифер, речиси четири децении по улогата на Бејби што ја одбележа нејзината кариера, сè уште изгледа одлично. Неодамна ја потврди веста што особено ги израдува обожавателите – се враќа во продолжението на „Валкан танц“, легендарниот филм од 1987 година во кој нејзин партнер беше покојниот Патрик Свејзи.

Култниот филм „Валкан танц“ добива продолжение: Џенифер Греј се враќа како Бејби