Актерката Кејт Винслет се појавува целосно гола во нејзиниот нов филм „Ли“ и не ѝ е првпат. Досега Винслет се соблече гола во најмалку девет филмови: На листата се „Heavenly Creatures“, филм во кој се соблече кога имаше само 17 години, а потоа следат „Jude“, „Titanic“, „Hideous Kinky“, „Holy Smoke“, „Quills“, „Iris“, „Little Children“ и „The Reader“, а сега ги покажа градите на прагот од 50 години во најновиот филм „Lee“.

Во филмот „Lee“, Винслет ја толкуваше улогата на воената фотографка Ли Милер, која за време на Втората светска војна, освен што се наоѓа во воена зона каде постојано паѓаат бомби, мораше да се бори и со сексизмот меѓу другите дописници. Ли Милер е модел, која стана позната воена дописничка за магазинот „Вог“.

Станува збор за британска биографска драма во режија на Елен Курас заснована на сценарио на Лиз Хана, Џон Коли и Мерион Хјум и приказна на Хјум, Коли и Лем Добс. Филмот е адаптиран од книгата „Животите на Ли Милер“ и е снимен во близина на Дубровник, на остатоците од некогаш познатото одморалиште Купари, кое било уништено во Татковинската војна.