Во стариот замок Виндзор се одржа свечен државен банкет на кој кралот Чарлс му посака добредојде на германскиот претседател, првиот што ја посети Велика Британија по речиси три децении. Личности од политичкиот и културниот живот се собрале во раскошниот „Сент Џорџ“, а меѓу гостите, на изненадување на многумина, беше и германскиот топ модел Клаудија Шифер.

 

View this post on Instagram

 

A post shared by People Magazine (@people)

Во салата „Сент Џорџ“ деновиве доминира смрека висока шест метри, осветлена со 3.000 светилки и украсена со елегантни зелени и златни орнаменти. Балустрадите и балконите се украсени со венци, а подот е покриен со црвен тепих што се протега низ целата просторија, и маса од махагони долга 50 метри. На кралскиот банкет завчера била и познатата манекенка Клаудија Шифер.

Како еден супермодел се најде меѓу 150 гости од светот на политиката, бизнисот, уметноста, науката и секако членовите на кралското семејство? Само две седишта оддалечени од кралот Чарлс, блиску до принцезата од Велс, Кејт Мидлтон и покрај британскиот премиер Сер Кир Стармер? Одговорот е логичен – банкетот беше организиран во чест на германскиот претседател Франк Валтер Штајнмаер, а Клаудија Шифер е големо име во Германија, и не само таму…

 

View this post on Instagram

 

A post shared by Nargis Magazine Georgia (@nargismagazinegeorgia)

Покрај тоа, таа е во брак со познатиот англиски режисер Метју Вон, кој потекнува од аристократското семејство Драмонд, а минатата година му беше доделена титулата витез – сер, за неговите услуги во филмската индустрија. Па така, Клаудија Шифер беше наведена како дама на списокот на гости. Познатата манекенка и нејзиниот сопруг живеат во Сафолк од 2002 година, во луксузна вила во стилот на Тјудорите, и се сметаат за членови на англиското високо општество.

На церемонијата во Виндзор, таа се појави во елегантен црн фустан со интересни декоративни детали во форма на скапоцени камења. Фризурата и бојата на косата се исти, тоа е сè уште нејзиниот препознатлив изглед, а нејзината фигура е иста како што беше од времето кога го освои светот на модата, иако во меѓувреме роди три деца. Кејт Мидлтон дефинитивно не беше единствената стилска икона во просторијата…

 

View this post on Instagram

 

A post shared by Claudia Schiffer (@claudiaschiffer)

ФОТО | Кејт Мидлтон воодушеви во раскошна тоалета и круна со 2.600 дијаманти на банкет во замокот Виндзор

ФОТО | Дури и гаќите на славната манекенка имале свој телохранител: Живеела како рок-ѕвезда, а денес на 55 години е уште поубава!