ФОТО: Кајли Џенер повторно на мета на критики – Иритантно е колку се фотошопира
Кајли Џенер поради фотошопираните фотографии кои ги објави на Инстаграм, се најде на мета на критики од своите следбеници.
Не е новост дека најмладата сестра на Ким Кардашијан речиси никогаш не објавува фотографии кои пред тоа не се средени со многу филтери. Сепак, овој пат фановите на Јутјуб можеа да видат како она навистина изгледа, па во своите коментари јасно и дадоа до знаење дека не им се допаѓа нејзиното однесување на социјалните мрежи.
Имено, Кајли се подготвувала за Ноќта на вештерките со јутјуберот Џејмс Чарлс, а тој целиот процес на подготовка и шминкање го снимил и го објавил на Јутјуб.
Чарлс ја шминкаше Кајли со шминка која го носи нејзиниот потпис, а на почетокот на видото може да се види како Кајли изгледа кога не е нашминкана воопшто. Шминкањето траеше 16 минути, а на Инстаграм профилот на Кајли се појави нивна заедничка фотографија на која нејзиното лице изгледа неверојатно потенко и поубаво отколку на видеото.
„Иритантно е колку се фотошопира. Срамно и непотребно“, коментираа некои од следбениците, додека други заклучија дека Кајли толку го „растегнала“ своето лице што повеќе личи на Мила Кунис отколку на себе.