ФОТО | Јованов, Мекиќ и Гаџа на кафе: Дали треба да очекуваме нова музика?
Пејачите Јован Јованов, Елвир Мекиќ и Адријан Гаџа беа едни од најпопуларните имиња на македонската музичка сцена пред нешто повеќе од една деценија. Тие редеа музички хитови, полнеа концертни сали, а девојчињата беа нивни верни обожаватели.
Во меѓувреме, Јован Јованов се пресели во Канада, каде што сѐ уште се занимава со музика, Елвир Мекиќ се повлече од јавниот живот откако се ожени и се пресели во Босна и Херцеговина, а Адријан Гаџа претежно прави музика за албанскиот пазар и се занимава со угостителство.
Моментално, Јован Јованов е на гости во Македонија и ја користи секоја прилика за да се види со сите свои пријатели кои живеат тука. Денес Јованов ги изненади своите следбеници на социјалната мрежа Инстаграм и сподели фотографија од ресторанот „Ча-ча“, кој е во сопственот на Гаџа, а на која се токму тие тројца.
Дали пејачите договориле нова музичка соработка, останува да видиме.
ФОТО | Ламбе по години поминати на Флорида, се враќа дома: Најавува и нова музика!