Музичарот Горан Папаз покажа како навистина изгледа животот со неговите три деца, кои неодамна наполнија една година.

Веселата атмосфера и слаткиот неред што го прават Лена, Луна и Лазар се гледаат на неколкуте фотографии кои ги објави саксофонистот. До фотографиите, тој ја објавил и својата песна „Кога љубов имам“.

На 30 декември лани, Горан и неговата сопруга Наташа споделија неколку семејни фотографии од домашната прослава со малите Лена, Луна и Лазар, но и со поголемото синче Дамиан на Папаз, како и со нивните најблиски.

„365 дена поминаа, одиме понатаму! Мои татини пиленца, да бидете здрави и најсакани цел живот. Ве сакам до Плутон и назад! Мајка ви е, исто така, многу убава и многу ја сакам. Среќен роденден, души мои“, напиша тогаш музичарот.

Тој ѝ посвети и емотивна објава на својата мајка, која прослави роденден кратко по роденденот на децата.

„Среќен роденден, мајка. Фала ти за сѐ што правиш за сите нас. Криво ми е некогаш што се забораваш себеси за да ни угодиш на сите нас, ама тоа си ти, затоа си посебна. Да си здрава и среќна и секогаш! Те сакаме!“, напиша саксофонистот, кој е по потекло од Охрид.

Многумина беа пријатно изненадени кога музичарот во 2024 година објави дека неговата сопруга природно забременила со тројки.

„Двајцата бевме среќни, збунети и малку исплашени, бидејќи е реткост. Не познаваш многу примери околу себе за да те советуваат од искуство. Самата бременост по себе носи ризици и за бебињата и за мајката“, рече Папаз тогаш, а потоа се пошегува дека сега има музичари за својот бенд.

ФОТО | „Раце полни љубов и среќа”: Горан Папаз и сопругата го прославија првиот роденден на трите дечиња