Швајцарскиот репрезентативец, Гранит Џака се најде во центарот на вниманието поради гаф кој го направи сакајќи да го честита „Денот на независноста на Косово“.

Фудбалерот од средниот ред, кој во моментов настапува за Сандерленд и е стандарден репрезентативец на Швајцарија, јавно го честиташе празникот на Косово. Но наместо позитивни коментари, објавата наиде на остри критики.

Причината не беше самата честитка, туку фотографијата што ја сподели. На неа беше прикажано знаме на Косово со седум ѕвезди, наместо официјалните шест, што веднаш го забележаа корисниците на социјалните мрежи.

Џака со години ужива голема почит кај косовските навивачи, особено поради неговите настапи за Швајцарија на натпревари против Србија, но овој пат дел од јавноста немаше разбирање за превидот.

„Човеку, дали си нормален?“, „Толку ти значи Косово, кога ни знамето не го знаеш“ и „Неверојатна грешка“ – беа само дел од коментарите на неговата објава.