Во близина на Улцињ е забележан најзагрозениот цицач на Медитеранот, морската мечка, вид на фока, за која се мислеше дека исчезнала пред повеќе од 55 години, пишуваат медиумите.

Морската мечка во Црна Гора, чиј вкупен број се проценува на околу 700 единки, е строго заштитен вид, а како што пренеле локалните медиуми, повторно е забележана на црногорското крајбрежје.

Спортски риболовец од Улцињ, ја забележал фоката додека нуркал, но бил изненаден кога ја сретнал, бидејќи во текот на својата долга нуркачка кариера никогаш не видел вакво животно.

„Апелираме до граѓаните и туристите кои го посетуваат нашето крајбрежје, доколку го сретнат ова прекрасно и загрозено суштество да не го вознемируваат. Можете да ни ги пријавите средбите со медитеранската крзнена фока за да можеме да го следиме и провериме неговото присуство и безбедност“, напишале од Центарот за заштита и проучување на птици во Црна Гора.

Тие додале дека посакуваат морето да е мирно, за фоката да остане што подолго.

Инаку, поради нивото на закана, во последните децении беа преземени бројни активности со цел да се заштити преостанатата популација.