Популарната актерка Џулија Робертс иако внимателно ја чува приватноста на своите деца, овој пат направи исклучок покажувајќи колку е горда што нејзините „бебиња“ пораснале. Иако ретко споделува семејни моменти, Џулија овие денови јавно ја изрази својата емотивност, нејзините близнаци Хејзел и Финеас Модер наполнија 21 година.

Добитничката на Оскар, заедно со честитката, сподели и стара фотографија на која нејзините деца сè уште мали,насмеани и разиграни во своите столчиња за јадење.

Како секоја емотивна мајка, актерката призна дека не може да поверува колку брзо поминало времето и дека нејзините деца сега се возрасни и според американските закони, полнолетни.

„Некогаш имаа 1 година, а сега имаат 21“, напиша Робертс.

 

View this post on Instagram

 

A post shared by Julia Roberts (@juliaroberts)

Да потсетиме, Џулија и нејзиниот сопруг Дени Модер, покрај Хејзел и Финеас, го имаат и најмладиот син Хенри.

Иако познатата актерка многу ретко споделува семејни фотографии, обожавателите оваа година имаа можност да видат уште еден посебен момент: заедничка фотографија со сите три деца, што Модер ја објави по повод Денот на мајките.