На фејсбук-страницата Hitna uživo 194 објавена е фотографија од две постари жени кои заедно се сместени во кревет за еден пациент во Општата болница „Д-р Иво Педишиќ“ во Сисак, Хрватска.

Директорот на болницата во Сисак, д-р Томислав Дујменовиќ, за Јутарњи лист потврди дека фотографијата е автентична. Тој посочи дека во тоа време имало премногу пациенти и дека двете жени само кратко биле заедно во кревет.

За неколку часа ситуацијата била ставена под контрола.

„Наша примарна цел е да го заштитиме здравјето и животот на нашите пациенти и со ова изразувам жалење доколку ова беше непријатна ситуација за пациентите, но во тој момент беше неизбежна за да се избегнат многу посериозни и непријатни сценарија“, изјави директорот Дујменовиќ за Јутарњи лист.