На официјалната веб-страница на луксузниот моден бренд „Гучи“ се продаваат пластични сандали кои многу потсетуваат на оние кои „Југопластика“.

Имено, компанијата „Југопластика“ е основана во 1952 година во Сплит и истата произведуваше сандали, патики, чанти, играчки, автоделови, спортска опрема… Имаше над 13 илјади работници, а остваруваше приходи над 350 милиони долари годишно.

Летниот одмор во поранешна Југославија не можеше да помине без легендарните гумени сандали кои ги носеа децата, но и возрасните.

Многу корисници на социјалните мрежи забележаа сличност меѓу сандалите на „Југопластика“ и „Гучи“, кои се продаваат за 490 долари.

Жените можат да ги купат во розова и виолетова, а мажите во црна и зелена боја. Има и проѕирна варијанта.

„Дали и добиваш и чорапи или се купуваат одделно, се знае ли нешто?“, се пошегува еден корисник на „Твитер“. „Прескапа носталгија“, напиша друг.