Македонскиот пејач Дарио Панковски сподели мал потсетник на еден од најзначајните периоди во својата кариера. По повод 35 години од песните „Косоока“ и „Ладна како камен“, тој објави фотографии од оригиналните, рачно напишани финални текстови на овие хитови.

Станува збор за текстови напишани на обични листови хартија, стари повеќе од три децении, кои, како што наведува Дарио, биле „случајно ископани“ од обемната фото и лична архива на него и групата „Миг-21“. Песните се дел од албумот „Бактерија“, кој го одбележа раниот период на деведесеттите години и остави значаен траг на македонската поп-сцена.

„35 години ‘Косоока’ и ‘Ладна како камен’. Албум ‘Бактерија’ 1991–2026. Ова се оригиналните запишани финални текстови на парче хартија стари 35 години, случајно ‘ископани’ од непрегледната фото архива на Дарио и ‘Миг-21’. Е па, нека се за многу години!“, напиша Панковски во описот на објавата.

ФОТО | Дарио растури на славеничкиот концерт и смени пет палта: Вечерва, сите кои имате 50 години, ќе имате 35