ФОТО | Брзи коцки со лешници и чоколада
Ако сакате да си направите брзо, вкусно и едноставно слатко, овој рецепт е токму за вас. Комплетна симфонија од вкусови, а не треба печење и нема многу „плеткање“ во кујната. Еве што ви треба за овој колач.
Состојки:
- 100 мл млеко
- 125 гр путер
- 150 гр шеќер
- 150 гр мелени плазма бисквити
- 150 гр мелени лешници
- 1 рендана кора од портокал
- 200 гр чоколадо (бело или црно, по желба)
Подготовка:
Млекото, путерот и шеќерот ги ставате во сад на оган. Мешајте додека да зоврие. Откако ќе зоврие го тргнувате на страна. Во него ги додавате мелените бисквити и мелените лешници. Мешајте додека смесата не се соедини и додајте ја ренданата кора од портокал. Од смесата расукајте кора во вид на правоаголник со дебелина од 2 см. Врз кората обилно истурете растопено чоколадо. Кога целосно ќе се олади, сечете коцки. По желба, можете и да ги украсите со прехранбени бои или шарени топчиња.
Уживајте.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот