ФОТО | Ален Делон погребан на својот имот: Покрај неговите деца, тука била и големата љубов на актерот, а една глетка особено ги растажи сите
Актерот Ален Делон побара од семејството да биде погребан „како обичен човек“, без многу помпа. Францускиот актер, кој почина минатата на 88-годишна возраст, претходно побарал да нема национални почести.
Препорачано
Желбата му била исполнета, а на неговиот погреб присуствувале 40 избрани луѓе кои претходно биле замолени да ги исклучат мобилните телефони и да не фотографираат, додека локалната префектура забранила дронови и летала да надлетуваат над областа, пишува „Гардијан“.
Делон претходно набавил и дозвола од локалниот префект да биде погребан во капелата изградена во Ла Брулирие, неговиот имот во Души, каде што починал. Овој имот, како што се наведува, има околу 120 хектари, а на гробиштата каде што бил погребан, актерот низ годините погребал најмалку 35 свои миленици.
Познато е дека Ален бараше од семејството, кога тој ќе почине, да го заспијат и неговиот сакан белгиски овчар Лубо, но по протестите на активистите за правата на животните, семејството одби да го стори тоа и трите деца на Делон ќе продолжат да се грижат за кучето.
Особено трогателна глетка од погребот бил моментот кога луѓето виделе дека на погребот го носат и верниот миленик на Делон. Кучето дошло со поранешната партнерка на Ален, Розали ван Бримен, со која актерот има две деца, ќерката Анушка и синот Ален Фабијан.
Засега не е познато кај кого точно ќе престојува Лубо, бидејќи децата на актерот во последно време жестоко се расправаа и се обвинуваат едни со други, а сето тоа поради наследството на нивниот татко.
Синовите на Ален дојдоа заедно на погребот и ги погледнаа прошталните пораки што луѓето ги оставаа за големиот актер, љубезно зборуваа со луѓето и се прегрнуваа еден со друг во знак на утеха.
Меѓутоа, нивната сестра Анушка, со која во последно време не се во добри односи, дојде сама.
Пред имотот на Делон имаше многу луѓе кои дојдоа за последен пат да се простат од легендарниот актер.
Почина Ален Делон, легендата на француската и светската кинематографија
Семејството на Ален Делон одби да ја исполни бизарната последна желба на актерот
