Фон дер Лајен: Постигнавме добар и фер договор со Велика Британија
Конечно постигнавме договор, изјави претседателката на Европска Комисија (ЕК), Урсула фон дер Лајен по склучениот трговски договор меѓу Европска Унија (ЕУ) и Велика Британија. Договорот е постигнат на една недела пред истекот на транзицискиот период на Брегзит и по повеќе од четири години од излезот на Велика Британија од ЕУ.
Лајен на прес-конференција во Брисел истакна дека Договорот е за праведно учество на единствениот пазар каде се почитуваат правата и стандардите на ЕУ. Таа додаде дека ќе продолжи соработката со Велика Британија, како „трета земја” во сите области од заеднички интерес, како што се климатските промени, безбедноста и транспортот.
– Заедно можеме да направиме многу повеќе отколку одвоени, истакна Лајен.
Европската Комисија треба да потврди постигнатиот договор на состанок на еврокомесарите, како и парламентите на ЕУ и на Велика Британија.
„Би-Би-Си“: ЕУ и Велика Британија, конечно, постигнаа трговски договор
Во европскиот буџет се предвидени пет милијарди евра помош за европските компании и за сите кои ќе бидат погодени од конечното раздвојување на Велика Британија на 31 декември во 2020 година.