Фудбалскиот клуб Вардар денеска ја информираше јавноста дека е продолжена соработката со четворица играчи кои остануваат верни на македонскиот шампион.

Горан Закариќ, Методија Велковски, Ненад Мишковски и Филип Дурански потпишаа нови договори со скопските „црвено-црни“ со важност до 30 јуни 2027 година.

Според најавите нов играч на Вардар од следната сезона ќе биде Португалецот Мигел Пиреш од редовите на ФК Силекс.

Пиреш е најдобар стрелец оваа сезона за клубот од Кратово со 11 погодоци.

Претходно е објавено дека ова лето клубот ќе го напушти интернационалецот од Сенегал, Фаустин Сенгор.