Премиерот Зоран Заев заедни со министрите Венко Филипче и Бујар Османи ги посетија повредените во страотната сообраќајна несреќа која рано утрово се случи во Бугарија во која загинаа 45 македонски државјани кои преку Бугарија се враќале од екскурзија во Истанбул.

– Страшна трагедија се случи утрово, за жал загинаа голем број патници. 46, меѓу нив 12 се деца. Повредени патници има 7 и тие се во стабилна здравствена состојба, односно никој не е во животнозагрозувачка состојба, рече министерот Филипче, додавајќи дека имаат контузии и полесни повреди.

Во болницата Пирогов во Софија има само еден повреден со скршеница и за него ќе се види дали ќе се оперира или ќе биде применет друг зафат. Повредените пациенти по санирањето на повредите во оваа болница ќе бидат префрлени на лекување во Македонија.

Меѓу настраданите има членови на исто семејство од кои најмладата е девојче од 16 години, а другите се постари меѓу 40 и 50 години, соопшти Филипче.

СТРАШНА ВЕСТ: Македонски автобус се запали во Бугарија, најмалку 45 загинати и седум повредени