Очекувам мирен ден, посакувам мирни и фер избори, изјави лидерот на СДСМ Венко Филипче по гласањето на локалните избори.

Тој ги повика луѓето да излезат во што поголем број, бидејќи многу е важно избраните градоначалници и советници да добијат легитимитет од голем број граѓани. Тоа е наше право и одговорност и тоа е наша обврска.

– Јас сум задоволен од тоа како течеше кампањата, мислам дека имавме фер кампања, мислам дека имавме инструменти и начин да допреме до многу голем број граѓани, да ги претставиме нашите кандидати и нашата програма – рече Филипче.

Неговиот став е дека граѓаните ќе одлучат врз основа на објективни параметри за тоа кој ќе ги води следните четири години во општините во кои живеат.