Министерот за здравство Венко Филипче даде изјава за медиумите во врска со коронавирусот, каде истакна дека нашата земја е подготвена да се справи со овој ризик.

На новинарско прашање Филипче кажа дека нема информации за македонски државјани кои биле во контакт со лица заболи од коронавирусот.

-Го спремивме целокупниот здравствен систем, здравствениот кадар во однос на инфраструктурата, во однос на опремата. Чекор или два сме напред да се справиме со овој предизвик. Иако далеку сме од тој ризик- рече Филипче.

Ова е нов вирус, рече претставничката на СЗО Тавила, сите земји учиме како да се справиме со новиот вирус, но се фокусираме на тренинг, на подготвеност.

Од понеделник, рече Филипче, ќе има дневен брифинг со новинари за да се известува населението, за тоа како се одвиваат работите, дали евентуално има најава дека ќе дојдат патници од Кина.