Фестивалот „Мала школа за краток филм“ се одржа во Битола
Во Битола и Битолско изминатава недела, од 31 октомври до 4 ноември, се одржа второто издание на Фестивалот на малата школа на краткиот филм, вклучен во програмата за одбележување на 4 Ноември – Денот на ослободувањето на Битола.
Организатор на фестивалот се здружението „Ај Ај ВО/ МФФ Нанси“, кое го организира Меѓународниот филмски фестивал во Нанси, додека во текот на целата година спроведува работа на едукација за филмот и средби околу киното меѓу младата публика, меѓу другите и Центарот за култура на Битола.
Конкретно, „Ај Ај ВО/ МФФ Нанси“ веќе 18 години организира фестивал за ученици (основни училишта), а Фестивалот на Малата школа на краткиот филм оваа година се очекува да пречека над илјада деца во Нанси и 192 деца во Везелис.
По вторпат и децата од Северна Македонија имаа корист од овој детски фестивал, особено во Битола и битолските села, со големо ангажирање на Центарот за култура на Битола, кој е коорганизатор и домаќин на фестивалот. Првото издание се одржа во 2019 година, но поради ковид-пандемијата, по пауза од две години второто издание се одржа годинава.
(Текстот е објавен во „Културен печат“ број 153, во печатеното издание на весникот „Слободен печат“ на 5-6 ноември 2022)