Ферстапен не ја дава титулата – Холанѓанецот во пол-позиција пред одлучувачката трка
Одлучувачката битка за шампионската титула во Формула 1 ќе се решава утре, а денешните квалификации во Абу Даби само дополнително ја подгреаја драмата. Возачот на Ред Бул, Макс Ферстапен, славеше во квалификациите и ќе стартува од пол-позиција на последната трка од сезоната.
Препорачано
Ферстапен ги одвозе најбрзите кругови на патеката „Јас Марина“ и со време 1:22.207 успеа да се постави пред конкурентите од Мекларен – Ландо Норис кој задоцни 0.201 секунда, и Оскар Пијастри кој имаше заостанување од 0.230 секунди.
Зад водечката тројка, на четвртата позиција се пласираше Џорџ Расел во Мерцедес, додека петтото место му припадна на возачот на Ферари, Шарл Леклер.
Пред финалната трка, ситуацијата во генералниот пласман е крајно напната:
-
Ландо Норис води со 408 бодови,
-
Макс Ферстапен има 396 бодови (12 помалку),
-
Оскар Пијастри е веднаш зад нив со 392 поени.
Големото финале – трката за Големата награда на Обединетите Арапски Емирати – се вози во недела од 14:00 часот, а новиот светски шампион ќе биде познат по цели 58 круга жестока борба.
