Фернандо Торес ја тужи Шпанија и бара оштета од 800.000 евра
Поранешниот репрезентативец на Шпанија, Фернандо Торес кој во кариерата го носеше дресот на Атлетико Мадрид, Ливерпул, Челзи и Милан одлучи да ја тужи Шпанија.
Торес пред судот во Мадрид ја тужи Шпанија поради ковид-забраните за време на пандемијата со коронавирусот од 2020 до 2022 година. По фудбалската кариера Шпанецот се посвети на боди-билдингот фитнесот, а сега бара оштета од 800.000 евра.
Причината поради која Торес ја тужи Шпанија е разните забрани за време на пандемијата и негативното влијание на неговиот синџир теретани.
Екс-фудбалерот пријавил огромни загуби поради периодот на локдаунот кога скоро ништо не работеше. Шпанските медиуми пишуваат дека Торес имал профит од 100.000 евра пред пандемијата кога ги отворил теретаните, а потоа пријавил годишна загуба од 200.000 евра и сега бара да му се исплатат 800.000 евра како оштета.
Покрај бизнисот со теретани, Торес работи и како тренер во тимот на Атлетико Мадрид до 19 години.
💥💥𝐅𝐞𝐫𝐧𝐚𝐧𝐝𝐨 𝐓𝐨𝐫𝐫𝐞𝐬 lleva a la Comunidad de Madrid ¡¡A LOS TRIBUNALES!!
💰El ex jugador reclama más de 800.000 euros por sus gimnasioshttps://t.co/JokUzNGay4
— Deportes Cuatro (@DeportesCuatro) June 26, 2023