Фердинанд: Колкава вредност денес би имале овие двајца на пазарот? (ВИДЕО)
Своевремено одбранбен играч, кој имаше славни моменти во Манчестер јунајтед, постави слика на две големи фудбалски великани од Бразил, Роналдињо и Роналдо.
Рио Фердинанд, поранешниот англиски фудбалер, објави една интересна слика на официјалниот Твитер профил.
Своевремено одбранбен играч, кој имаше славни моменти во Манчестер јунајтед, постави слика на две големи фудбалски великани од Бразил, Роналдињо и Роналдо.
– Колкава вредност денес би имале овие двајца на пазарот? – напиша Фердинанд.
How much would these 2 be worth in today’s market????! @10Ronaldinho x R9 pic.twitter.com/TE2l4XbBCT
— Rio Ferdinand (@rioferdy5) March 21, 2020
Фердинанд напиша нешто што луѓето треба сериозно да го сфатат, околу фудбалерите за кои во денешно време се одвојуваат можеби и премногу пари, а дел од тие играчи не ги оправдуваат тие преголеми финансии, односно нема резултати.
Роналдо Луис Назарио де Лима во Реал Мадрид од Интер се пресели на почетокот од овој век за сума од 39 милиони евра, како најдобар напаѓач на светот и прв стрелец на Светското првенство во Јужна Кореја и Јапонија.
Неговиот сонародник Роналдињо од ПСЖ во Барселона во 2003 година направи трансфер за „само“ 27 милиони евра.
Јасна е поентата на Фердинанд, овие двајца денес би вредиле дури и 10 пати поскапо од тогаш.
