Американската пејачка Бритни Спирс (41) продаде 1,1 милион примероци од своите мемоари „Жената во мене“ („The Woman in Me“) за седум дена од објавувањето, пишува „Њујорк тајмс“.

Мемоарите го прикажуваат животот на поп ѕвездата – од тинејџерски денови, до деновите на слава и успех.

„Долгоочекуваните мемоари на Бритни Спирс се продадени во 1,1 милион примероци во сите формати во САД, во првата недела од продажбата“, објави издавачот „Галери букс“.

„Во моите мемоари ги влеав срцето и душата и благодарна сум на моите многубројни фанови и читатели ширум светот за нивната голема поддршка“, рече Бритни Спирс во изјавата за „Галери букс“.

Мемоарите на Бритни Спирс се оценети од критичарите како реалистичен приказ за успешен пат до славата, придружен со различни тешкотии, во врска со старателството што нејзиниот татко го имал над неа и нејзиниот живот.