Белградската полиција уапси три бугарски државјанки осомничени дека извршиле 12 кражби на подрачјето на Белград и Нови Сад, соопшти денеска српското Министерство за внатрешни работи.

Тие се осомничени за кражба на женски торби, паричници, накит, гардероба и мобилни телефони од граѓани, но и од објекти, во трговски центри и продавници.

При апсењето кај нив биле пронајдени предмети за кои постои сомнение дека потекнуваат од кражби, соопшти полицијата.

Бугарските државјани чии иницијали се А.В.Х. (25), М.Н.Г. (27) и С.М.Г. (33) се предадени во  обвинителството.