Во редовите на Барселона уште се мачат со финансиската ситуација, па така се пишуваше дека неизвесна е регистрацијата на Олмо за вториот дел од сезоната, но изгледа дека тој проблем е решен.

Олмо за Барселона настапи на 15 натпревари во Ла Лига откако првите кола ги пропушти бидејќи не можеше да биде регистриран веднаш. Каталонците тогаш ја искористија повредата на Кристенсен и го регистрираа Олмо на негово место, но тоа важи само овој прв дел од сезоната.

На тој начин Олмо не можеше да биде регистриан и за вториот дле, па така во клубот мораа да бараат решение и изледа е пронајдено. Според последните информации Олмо би можел да биде регистриран преку продажбата на места во ВИП ложата на подолги патеки. За овие седишта се заинтересирани шпански, но и богаташи од целиот свет и во клубот очекуваат приход од 120 милиони евра.

Така Барселона би ги исполнила строгите критериуми на Ла Лига и би го обезбедила Олмо, не само за вториот дел од сезоната, туку до крајот на неговиот договор во 2030 година.