Кристин Лагард вчера го имаше првиот работен ден во Европската централна банка.

– Се радувам на средбата со мојот нов тим и на работата во следните осум години, како и за 340-те милиони европејци кои секој ден го користат еврото – напиша Лагард на Твитер.

On my first day here at the ECB, I’m looking forward to meeting my new team and to working with them over the next eight years for the 340 million Europeans who use the euro every day. pic.twitter.com/knvMho0cfW

— Christine Lagarde (@Lagarde) November 4, 2019

Таа е првата жена на чело на ЕЦБ од нејзиното основање во 1998 година. Во текот на нејзината кариера беше шефица на француското Министерство за економија (2007-2011), a потоа беше на чело на Меѓународниот монетарен фонд oд 2011 дo 2019 година.

За претседател на ЕЦБ ја избра Европскиот совет на 18 октомври 2019 година со мандат од осум години.

Улогата на прв човек на централната банка, Лагард ја превзема во момент кога ЕЦБ започнува нова и контроверзна програма за откуп на државниот долг, кој во септември го одобри Управниот совет на оваа институција.

Секој месец, ЕЦБ ќе откупува 20 милијарди евра државни и приватни обврзници со цел да ја поддржи забавената европска економија и да ја доближи инфлацијата кон целта од два процентни поени.

Лагард често во медиумите е нарекувана „челична“ или „ледена“ дама, поради своите ставови и политики за кои се залагаше.