Газпром се сомнева дека Европа ќе може да ги зголеми своите резерви на гас на 90 проценти. Подземните складишта за гас во Европа се полни само 82,7 проценти, а достигнувањето на целта од 90 проценти станува сè поневеројатно, објави прес-службата на Газпром. Според компанијата, многу студеното време може да доведе до недостиг на гориво, што би довело до прекини во снабдувањето со гас- пренесе Политика.

Проблемот со подготовката за зима во Европа продолжува да се влошува. Во случај на силни или продолжени мразови, недоволното количество гас во подземните складишта за гас може да го загрози снабдувањето со гас на потрошувачите, се наведува во извештајот.

Газпром забележа дека на 4 октомври, обемот на активен гас во европските подземни складишта за гас достигна 83,8 милијарди кубни метри. Оваа бројка е за 12,8 проценти помала од минатогодишното ниво и е на седмо место меѓу вредностите од истиот датум за целиот период на набљудување.

Претходно беше објавено дека „Газпром“ постави историски рекорд во испораките на гас за руските потрошувачи во септември, а на 29 септември испораките достигнаа 982,1 милиони кубни метри. Зголемувањето на потрошувачката најверојатно се должи на постуденото време и почетокот на грејната сезона во земјата.

Очекувањата дека потребите ќе бидат задоволени од американски танкери за природен гас се исто така нереални.

Претходно, белорускиот претседател Александар Лукашенко објави дека земјата ќе продолжи да купува гас од рускиот „Газпром“ во исти количини. Според шефот на државата, побарувачката за природен гас само расте.