Европа ќе има нов шампион во одбојка, Италија и Словенија во битка за златото
Денеска во второто полуфинале на Европското првенство во одбојка во машка сениорска конкуренција репрезентацијата на Италија во полскиот Катовице со резултат 3:1 славеше против Србија во сетови 29:27, 25:22, 23:25 и 25:18.
Најефикасен во победничките редови беше Микелето со 23 поени, 17 беа дело на Пинали, а на спротивната страна Ковачевиќ имаше 16 поени, три помалку Подрашчанин.
Избраниците на селекторот Фердинанди Де Џорџи ќе се борат за својата седма европска титула, претходно беа шампиони во 1989, 1993, 1995, 1999, 2003 и 2005 година.
Италија в недела за златото ќе игра против Словенија од 20.30 часот, а претходно од 17.30 часот во битката за бронзата ќе играат сега веќе екс првакот на континенталниот собир Србија и селекцијата на Полска.
Србите ќе играат за својата четврта бронза на еврошампионатите, претходните три ги освоија во 2007, 2013 и 2017 година.
ВИДЕО: Каква грешка на организаторите на ЕП, на Словенците им ја пуштија српската химна