Денеска на програмата се полуфиналните натпревари на Европското првенство во одбојка, еден од домаќините Полска игра против Словенија, а актуелниот европски шампион Србија ќе се соочи со Италија.

Првото полуфинале на Европското првенство во одбојка помеѓу Полска и Словенија имаше непријатна увертира за Словенците, бидејќи домаќинот, односно организаторите на ЕП, наместо нивната химна, ја пуштија српската.

Некои играчи се смееја, другите се чувствуваа непријатно, а напнатата ситуација продолжи со свирежите на гневните словенечки навивачи од трибините.

Некои словенечки играчи веднаш реагираа, се побунија. Дејан Винчиќ зачекори пред тимот, крена раце во знак на протест, додека неговите соиграчи реагираа многу посмирено поради оваа грешка на Полјаците. Наскоро, српската химна беше прекината и заменета со словенечката.

Ова не е прва грешка на домаќините на Европското првенство, откако претходно намерно го сменија датумот на вечерашниот натпревар меѓу Србија и Италија.

Селекторот на Србија, Слободан Ковач, беше многу лут поради тоа и им порача:

– Не знам дали не знаат да организираат или тоа намерно го прават! – рече Ковач.