Репрезентацијата на Португалија со победа го започна Европското првенство откако денес беше подобра од Грција со 31:24, фаворитската улога ја оправда и Холандија против Грузија (34:29), додека Словенија се помачи, но сепак победи во дуелот со Фарски Острови (32:29).

Поведе Грција со 2:1 на стартот, а потоа Португалија ја презема контролата и без многу проблеми дојде до предност од четири гола на паузата. Португалците водеа со 18:14.

Грција влезе во добар ритам во вториот дел и израмни на 19:19, но потоа следуваше една серија од 9:1 на Португалците со која беше решено прашањето на победникот. Коста со шест гола беше најефикасен кај Португалија, додека по пет кај Грција постигнаа Малиос и Савас.

Холанѓаните победата против Грузија ја најавија уште во првото полувреме по кое водеа со сигурни 19:12. Во вториот дел не дозволија да се случи некакво чудо и славеа со пет гола разлика.

Репрезентацијата на Словенија потешко од очекувањата славеше против Фарските Острови во Групата Д на Европското првенство 2024 кое се одржува во Германците. Словенците се мачеа 45 минути од мечот, а потоа во последниот период од играта целосно го скршија противникот за победа од 32-29 (13-13).