Шефовите на дипломатиите на земјите членки на Европската Унија денеска ги одобрија додатните санкции за 80 службени лица на Белорусија, соопштија дипломатските извори за Бета.рс.

Одлуката за донесените санкции била усвоена едногласно.

Високиот претставник на ЕУ за надворешна политика и безбедност, Жосеп Борел пред состанокот изјави дека ќе се донесат нови санкции и дека се предвидени нови мерки чија цел е да се ослаби економијата на државата.

,,Не сакаме да ги санкционираме само последиците. Сега ќе донесеме и секторски санкции што значи дека ќе работиме на екомонските прашања кои се од посебно значење за Белорусија и за режимот на приход“- кажа германскиот министер за надворешни работи Хајко Мас.

Унијата започна да носи санкции за Белорусија по спорните претседателски избори на кои Александар Лукашенко го освои шестиот мандат. Изборите, кои опозицијата ги сметаше како наместени, беа поттик за масовни протести во земјата.

Новите санкции ќе се однесуваат на повеќе од 80 поединци и организации. Многу од нив беа поврзани со минатомесечното пренасочување на летот од Атина до Вилинус, кон главниот град Минск, каде беше уапсен опозициски активист.