ЕУ не коментира, туку потсетува: Судиите и обвинителите треба да бидат независни и професионални
Европската Унија не ја коментира одлуката на Апелацискиот суд да ги уважи жалбите и да ја укине првостепената пресуда за случајот „Организатори на 27 април“ и предметот да се врати на повторно судење пред Основниот кривичен суд Скопје. Сепак, порачува дека судиите и обвинителите треба да работат независно, непартиски и професионално.
„Европската Унија од блиску ги следи случувањата во судството. Но, по правило не интервенираме во индивидуални случаи ниту пак коментираме судски пресуди. Со тоа треба да се занимаваат релевантните национални власти. Во интерес на сите граѓани е работата на судиите и обвинителите да се врши независно, непартиски и професионално“, велат од Делегацијата на ЕУ во Скопје за „Слободен печат“.
Истиот став е и за изјавата на поранешната шаефица на Обвинителството за гонење организиран криминал и корупција, Вилам Русковска дека се соочила со притисоци да се откаже од обвинението против поранешниот генерален секратр на Владата, Драги Рашковски.