ЕУ и „Новавакс” договорија набавка на 200 милиони вакицини

Фармацевтскиот гигант „Новавакс“ / Фото: EPA-EFE/JIM LO SCALZO

Европската комисија одобри договор за набавка на 200 милиони вакцини од американската компанија „Новавакс”, соопшти Комисијата.

Според договорот, земјите -членки на ЕУ ќе можат да купат до 100 милиони вакцини, со опција до 2023 година да можат да набават дополнителни 100 милиони, кога ќе бидат одобрени од регулаторната агенција на ЕУ за лекови (ЕМА), која во моментов го разгледува барањето за акредитација, соопшти Комисијата.

„Додека во Европа и светот се шират новите варијанти на коронавирусот, новиот договор со компанијата што веќе успешно ги тестираше своите вакцини против овие варијанти е дополнителна препорака за заштита на нашата популација“ изјави претседателката на Европската комисија, Урсула фон дер Лејен, пренесувa Гардијан.

Комисијата додава дека договорот ќе им овозможи на членките на ЕУ да ги добијат првите дози на „Новавакс” веќе од последниот квартал од оваа година.

„Новавакс” преку соопштение потврди дека работи на тоа во третиот квартал од годината да ги достави сите податоци за вакцината до Агенцијата за лекови на ЕУ, додавајќи дека по очекуваното одобрување ќе следи испораката на почетните дози на вакцината.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот