Есенска закуска: Брз намаз од тиква

Намаз / Фото: Pexels

Италијанскиот регион Емилија-Ромања изобилува со тикви наесен. Затоа не е чудно што локалното население ја обожава тиквата како намирница во своите слатки и солени јадења.

Зука сфанта, или згмечена тиква на италијански јазик, е името на популарниот намаз од тиква што се јаде низ цела Италија. Тој е особено популарен во еврејската заедница и се подготвува за прославата на значајниот еврејски празник Рош ашана.

Тиква
Фото: Pexels

Потребни состојки:

  • 1,5 кг кобоча или мускантна тиква
  • 3 супени лажици маслиново масло
  • 1 кромид
  • ½ л вода
  • грст свеж босилек
  • грст свеж магдонос
  • сол и бибер по желба

Подготовка:

Излупете ја тиквата, извадете ѝ ги семките и исечете ја на помали коцки.

Во голема тава загрејте го маслиновото масло и во него издинстајте го исечканиот кромид. Додадете ги парчињата тиква и пржете ги некое време. Прелијте ја тиквата со половина литар вода. Додајте сол или бибер по желба, па додадете ги и сечканиот босилек и магдоносот.

Гответе уште околу половина час, сѐ додека тиквата не омекне доволно за да се пасира со вилушка. Испасирајте ја тиквата и додајте дополнителен зачин по желба.

Намазот од тиква послужете го со пекарски леб или со крекери.

Добар апетит!

Видео на денот