Турскиот претседател Реџеп Таип Ердоган во неделата им нареди на официјалните лица да ги продолжат разговорите за повторно отворање на православна христијанска семинарија во близина на Истанбул, прашање што го покрена американскиот претседател Доналд Трамп, за кого се очекува да ја посети Анкара следниот месец на самитот на НАТО, пишува Ен-би-си њуз.

Семинаријата Халки, основана во 1844 година и затворена од турската држава во 1971 година, играше централна улога во Источната православна црква како главно теолошко училиште на Вселенската патријаршија. Таа обучуваше генерации православни свештеници, вклучувајќи го и сегашниот патријарх Вартоломеј, кој е со седиште во Истанбул.

Трамп го покрена прашањето во разговорите со Ердоган во Вашингтон минатата година. Муслиманската и секуларна Турција долго време се соочува со притисок од Грција, САД и Европската Унија да го отвори теолошкото училиште на островот Хејбелијада во близина на Истанбул. Митрополитот Халкедонски Емануел, чија епархија го опфаќа Истанбул, рече дека прашањето влегло во „нова фаза“ откако Ердоган им наложи на турските власти за високо образование да продолжат со разговорите со комитетот на Патријаршијата.

Иако сè уште нема распоред за повторно отворање на училиштето, митрополитот Емануел рече:

„За Патријаршијата, по децении неактивност, водата влезе во коритото“, сигнализирајќи дека институционалната работа е започната.

Емануел додаде дека двете страни сè уште треба да ги завршат работите за реновирање на комплексот згради и да се договорат за правната и образовната рамка според која ќе работи.

Семинаријата Халки беше затворена во 1971 година по одлуката на Уставниот суд дека приватните високообразовни институции мора да бидат поврзани со државните универзитети, барање кое беше одбиено од Патријаршијата.

Израел продолжува со нападите и со нелегалното населување и покрај примирјето, вели Ердоган