Емил Рајковиќ повеќе не е тренер на Тофаш, откако турскиот клуб официјално потврди дека соработката е прекината.

Македонскиот стратег седна на клупата на тимот од Бурса на почетокот на актуелната сезона, но не доби можност да ја заврши. Слабите резултати во изминатиот период, како и разочарувачките настапи во ФИБА Лигата на шампионите, ја продлабочија кризата во клубот и беа клучниот сигнал за раководството да повлече потег и да се одлучи за промена.

Од Тофаш се заблагодарија за неговиот ангажман со кратко соопштение:

„Одлучивме да ја прекинеме соработката со нашиот ценет тренер и му благодариме за сè што придонесе за клубот и за кошарката во Бурса. Му посакуваме успех во понатамошната кариера“, стои во пораката на турскиот состав.

Со ова завршува уште една интернационална епизода во кариерата на Рајковиќ, кој сега ќе биде во потрага по нов предизвик.

 

View this post on Instagram

 

A post shared by TOFAŞ Spor Kulübü (@tofassporkulubu)