Емери верува во чудо и во пласман во финалето во ЛШ

Тренерот на Виљареал, Унаи Емери/ фото: EPA-EFE/Domenech Castello

Тренерот на Виљареал, Унаи Емери верува дека неговите фудбалери можат да направат чудо и да се пласираат во финалето од Лигата на шампионите иако по првиот полуфинален натпревар имаат два гола негатива. Минатата недела, Ливерпул пред своите гледачи го совлада Виљареал со 2:0.

Емери е свесен дека утревечер го очекува тешка мисија, но се надева на сензација и пласман во финалето.

– Се наоѓаме пред историски момент, нашите навивачи се многу горди. Досега добро игравме на домашен терен и се надевам дека пред нашите навивачи ќе го одиграме најдобриот натпревар сезонава и ќе обезбедиме пласман во финалето – рече Емери.

Тренерот кој се специјализира за триумфи во Лигата на Европа, за утрешниот натпревар нема да може да смета на неколку стандардни фудбалери меѓу кои се Раул Албиол и Херардо Морено, но и покрај тоа верува во чудо.

– Мотивирани сме што играме во полуфиналето во Лигата на шампионите и тоа пред нашите навивачи – вели Емери.

Виљареал немаше играно во Лигата на шампионите од сезоната 2011-12, а досега само три пати играше во нокаут фазата, а во 2006 година исто така играше во полуфиналето кога загуби од Арсенал.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот