Елмас во Топ 10 играчи на кои треба да се обрне внимание на ЕВРО 2020!
Се ближи стартот на континенталниот собир кој сите со нетрпение го очекуваме, а во продолжение да погледнеме кои фудбалери би можеле да бидат иднината на европскиот фудбал.
Британскиот медиум „Дејли Мејл“ одвои 10 талентирани играчи од кои се очекува да блеснат на ЕВРО 2020, а помеѓу нив е и македонскиот репрезентативец Елиф Елмас.
Нашиот 21-годишен играч кој воедно е член на Наполи вчера постигна гол во контролниот дуел со Словенија, негов вкупно седми во сениорскиот дрес.
Нашиот фудбалски „дијамант“ го постигна победничкиот гол против Германија во квалификациите за СП.
– Среќен сум што Елмас е во голем клуб како Наполи. Се надевам дека тој ќе придонесе уште повеќе во националниот тим. Го велам ова бидејќи очекувам многу од него, тој може да биде лидер – потсетува „Дејли Мејл“ на ланската изјава на селекторот на А репрезентација, Игор Ангеловски.
Како што се развива постепено во уште поквалитетен играч, можно е во иднина да направи трансфер во уште поатрактивен клуб.
Топ 10 играчи на кои треба да се обрне внимание на ЕВРО 2020 –
Нуно Мендеш, 18 години (Португалија), Клуб: Спортинг Лисабон
Мајрон Боаду, 20 години (Холандија), Клуб: АЗ Алкмаар
Андреас Сков Олсен, 21 година (Данска), Клуб: Болоња
Александер Исак, 21 година (Шведска), Клуб: Реал Сосиедад
Елиф Елмас, 21 година (Македонија), Клуб: Наполи
Алесандро Бастони, 22 години (Италија), Клуб: Интер
Дани Олмо, 22 години (Шпанија), Клуб: Лајпциг
Камил Јозвјак, 23 години (Полска), Клуб: Дерби каунти
Мануел Локатели, 23 години (Италија), Клуб: Сасуоло
Јусуф Јазиџи, 24 години (Турција), Клуб: Лил