Економистот Раџан, кој ја предвиде кризата во 2008 година, има нова мрачна прогноза
Рагурам Раџан, поранешен главен економист на Меѓународниот монетарен фонд (ММФ) кој ја предвиде глобалната финансиска криза пред повеќе од една деценија, предупреди дека банкарскиот систем се движи кон дополнителни превирања по спасувањето на „SVB“ и „Credit Suisse“.
Раџан, кој исто така беше гувернер на централната банка на Индија, вели дека „една деценија лесни пари и „поплава“ од ликвидност од централните банки, создале „зависност“ и кревкост во финансискиот систем, додека креаторите на политиката истовремено ги заостриле политиките“.
„Се надевам на најдоброто, но очекувам дека може да се случат и други работи, делумно затоа што нешто од она што го гледаме е неочекувано“, изјавил тој за „Блумберг“, според „Новости.рс“.
Раџан објаснува дека периодот на лесни пари и висока ликвидност во подолг период создал „перверзни стимулации и структури кои стануваат кревки кога сè ќе свртиш наоколу“.
Неговите коментари доаѓаат по предупредувањата дека проблемите во „SVB“ и „Credit Suisse“ укажуваат на подлабоки проблеми во финансискиот систем.
Додека работел како главен економист на ММФ во 2005 година, Рајан издал претпазливо предупредување за банкарскиот сектор, предвидувајќи ја глобалната финансиска криза која се случи во 2008 година.
Раџан сега е професор на Бизнис школата на универзитетот Бут во Чикаго.
Акциите на банките паднаа по кризата во „SVB“ и „Credit Suisse“, но централните банки продолжија да ги заоструваат политиките за ограничување на инфлацијата.
Раџан вели дека централните банки добиле „бесплатно возење“ бидејќи креаторите на политиките брзо го смениле ултраприлагодливиот став што го зазеле во деценијата по финансиската криза.